स्वागतम्,
आदरणीय पाठकवृन्द,

नेपालको आधिकारीक नाम 'संघीय लोकतान्त्रिक गणतन्त्र नेपाल' हो । नेपाल दक्षिण एसियाली भुपरिवेष्ठित हिमाली राष्ट्र हो । २६.२२ देखि ३०.२७ उत्तर अक्षांश र ८०.४ देखि ८८.१२ पूर्वी देशान्तरसम्म फैलिएको यस राष्ट्रको कुल क्षेत्रफल १,४७,५१६ वर्ग किल्लोमिटर छ, जो पृथ्वीको कुल क्षेत्रफलको ०.०३ % (प्रतिशत) र एसिया महादेशको ०.३ % (प्रतिशत) क्षेत्रफल ओगटेको छ । लण्डनस्थित ग्रिनविच मीन टाइमभन्दा पूर्वतर्फ रहेकाले गौरीशंकर हिमालको नजिक भएर जाने ८६.१५ पुर्वी देशान्तरलाई आधार मानी नेपालको प्रमाणिक समय ५ घण्टा ४५ मिनेट अगाडि मानिएको छ ।

नेपालको पूर्वी सिमाना मेची नदीदेखि पश्चिम सिमाना महाकाली नदीसम्मको औसत लम्बाई ८४५ कि.मि रहेको छ । उत्तरदेखि दक्षिणको चौडाई भने एकनासको नभएको र पूर्वी भागभन्दा पश्चिम भाग केही चौडा रहेको छ । त्यस्तै मध्यभाग भने केही खुम्चिएको छ, जसको अधिकतम चौडाई २४१ कि.मि. र न्युनतम चौडाई १४५ कि.मि. रहेको छ । यसर्थ नेपालको औसत चौडाई १९३ कि.मि. रहेको छ । नेपालको पूर्व, पश्चिम र दक्षिण दिशातर्फ भारत छ भने, उत्तरतिर चीनको स्वशासित क्षेत्र तिब्बत पर्दछ । नेपालका लगभग ८१ %  (प्रतिशत) हिन्दू धर्मावलम्बी नागरिकहरू छन्, यसर्थमा प्रतिशतको आधारमा, नेपाल विश्वकै सबैभन्दा बढी हिन्दू धर्मावलम्बी भएको राष्ट्र हो । यसबाहेक यस देशमा बौद्ध, इस्लाम, किराँत, ख्रीष्टियन, आदी धर्म मान्ने मानिसहरू पनि यहाँ बसोबासो गर्ने गर्दछन् । एउटा सानो क्षेत्रको लागि नेपालको भौगोलिक विविधता निकै उल्लेखनीय छ । यहाँ तराईका उर्वर फाँटको भेष र चिसा हिमालयका श्रृङखलाबद्ध मालाको कारण छुट्टै स्व-पहिचान बोकेर सुसज्जित पनि छन् । संसारका सबैभन्दा उच्च १४ हिमश्रृङखलाहरू मध्ये ८ वटा नेपालमा पर्दछन्,  जसमध्ये संसारको सर्वोच्च शिखरको अहम् पहिचान बोकेको (नेपाल र चिनको सिमानामा पर्ने) 'सगरमाथा' पनि एक हो, जसले नेपाल देशलाई संसारभरि नै प्रख्याति दिलाएको छ । नेपालको प्रमुख शहर, राजधाजी काठमाडौँ हो भने, जहाँ काठमाडौँ, ललितपुर र भक्तपुर जिल्लाहरूलाई पनि काठमाडौँ उपत्यका भनेर नै चिनिन्छ ।

नेपालमा बोलिने भाषाहरूको बिषयमा भन्ने हो भने, सन् २०११ मा नेशनल सेन्सस बोर्डले १२३ वटा भाषाहरूलाई सुचिकृत गरेको छ । साथै अन्य ६ वटा भाषाहरू पनि पत्ता लागेको कारण ती भाषाहरूलाई पनि स्थानिय मातृभाषाको रूपमा मान्यता दिने विषयमा विचाराधिन रहेको छ । यदि उक्त ६ वटा भाषाहरूले पनि औपचारिकता पाएको खण्डमा नेपालमा जम्मा १२९ वटा मातृभाषाहरू हुनेछन् ।

अहिलेको यस आधुनिक पुस्तामा विश्वको कुनैपनि कुनामा आँखा डुलायौं भने, प्राविधिक उपकरणहरूको ज्यास्ती उपयोग भएको देख्छौँ, तसर्थ नेपालमा कार्यरत विभिन्न संघ-संस्था वा समूहहरू—जससँग दर्शन मिल्छ, उहाँहरूसँगको सहकार्यमा “आवाज” ले सकेसम्म सबै भाषाहरूमा अडियो बाईबल निकाल्ने उद्देश्य बोकेर प्रार्थनासहित निरन्तर यस सेवामा अग्रसर भइरहेको छ । जस अनुरुप हालसम्म १५ वटा भाषाहरूमा अडियो बाईबल र सुसमाचारीय फिल्महरूको कार्यमा सफलता हासिल गरी उक्त अडियो बाईबल र सुसमाचारीय फिल्मसँग सम्बन्धित भाषी जातिहरूमाझ उक्त उपकरणहरू उपलब्ध पनि गराईसकेको छ । यहाँहरूले पनि यसलाई सुनेर र हेरेर आत्मिक लाभ उठाउँदै आ–आफ्नो मण्डलीमा चेलापनमा वृद्धि ल्याउनका लागि तथा सुसमाचारिय कार्यका लागि पनि प्रयोग गर्न सक्नुहुनेछ ।

यो साईटमा उल्लेखित बिषय बस्तु हेरी-पढी सकेपछि कृपया प्रतिकृया दिन नभुल्नु होला ।

धन्यवाद !